МҮБХ-ны тэргүүн Ц.Магалжав, гүйцэтгэх захирал И.Доржсамбуу нар "Physical Asia" шоунд амжилттай оролцсон Монголын багийн ахлагч Монгол улсын Үлэмж бадрах арслан Б.Орхонбаярт хүндэтгэл үзүүллээ. Тодруулж хэлбэл, Өчигдөр болсон "Алтан цом"-ын барилдааны үеэр Монгол Улс, үндэсний бөхийг дэлхийд сурталчилсанд талархаж МҮБХ болон нийт бөхчүүдийнхээ өмнөөс талархал илэрхийлсэн байна.
Дашрамд сонирхуулахад, Б.Орхонбаяр арслан "Physical Asia" шоу цацагдснаас хойш нэг ч барилдаанд зодоглоогүй бөгөөд өчигдрийн Алтан цомын барилдаанаар дэвжээндээ гарсан юм. "Бэлтгэлээ хийсэнгүй. Барилдсангүй" гэх шүүмжлэлийг бөх соирхогчдоос авсан Б.Орхонбаяр арслан 5 барилдаж, 4 давсан амжилтаар бэлтгэл сургуулилтаа цалгардуулаагүй гэдгээ батлан харуулсан. Тэрбээр, сүүлийн тойрогт Э.Батмагнай арсланд өвдөг шороодож, бусад учраагаа давсан юм.
