Өнгөрсөн 10-р сарын 15-нд Чингэлтэй дүүргийн 9-р хорооны нутаг дэвсгэр, Баянбүрдийн тойрогт байрлах “Чингэлтэйн өндөрлөг” хөшөө бусдын санамсаргүй үйлдлийн улмаас галд өртөж шатсан. Тус байршлыг дахин төлөвлөж, Баянбүрдийн тойргийг дөрвөн замын уулзвар болгох зураг төслийн тендерт 318 сая төгрөгийн төсөв баталжээ. Тодруулбал, арванхоёрдугаар сарын 3-нд Нийслэлийн худалдан авах ажиллагааны газраас “Баянбүрдийн тойрог уулзварын зураг төсөл” гэсэн тендер зарлаж, үнийн санал хүлээн авч эхэлсэн байна.