22 жилийн турш эхнэрээ зодож, гэр бүлийн хүчирхийлэл үйлдсэн хэрэгт холбогдоод буй НИТХ-ын төлөөлөгч Б.Эрдэнэсүхийг цагдан хорих эсэх шүүх хурал Дүүргийн Эрүү, Иргэний хэргийн хялбар ажиллагааны анхан шатны тойргийн шүүхэд болж, Б.Эрдэнэсүхийг 30 хоног цагдан хорих шийдвэр гаргалаа.
Тодруулбал, түүнийг өмнө нь 30 хоног цагдан хорих шийдвэр гарч байсан ч хугацаанаас нь өмнө суллаж, хохирогчтой ойртохгүй байхыг даалгасан байдаг. Гэвч Б.Эрдэнэсүх нь удаа дараа эхнэр О.Нарангаравыгаа машинтай дагаж, амь насанд нь заналхийлсэн тухай О.Нарангарав мэдэгдсэн билээ. Мөн О.Нарангаравын өмгөөлөгч мэдээлэл хийх үеэрээ Б.Эрдэнэсүхэд оноосон таслан сэргийлэх арга хэмжээ өөрчлүүлж цагдан хориулах саналаа хүргүүлсэн талаар дурдсан юм.
Тэгвэл хохирогчийн өмгөөлөгчийн хүсэлтийн дагуу ийнхүү Б.Эрдэнэсүхийг 30 хоногийн хугацаагаар цагдан хорихоор боллоо.
