Өнгөрсөн даваа гарагийн Засгийн газрын хуралдаанаар Ерөнхий сайд Г.Занданшатар ханиад томууны нөхцөл байдал хүндэрвэл сургуулиудыг цахим хэлбэрт шилжүүлэх үүрэг өгсөн. Тэгвэл энэ дагуу 12 сарын 1-нээс ханиад, томуу хүндэрсэн сургуулиудын 1-5 дугаар ангийн хичээлийг цахимд шилжүүлэхээр болжээ.
Тодруулбал, ЭМЯ-наас нөхцөл байдлын мэдээллийг авч боловсруулалт хийсний дараа ямар сургуулиудыг цахимд шилжүүлэх эсэхийг Боловсролын яам танилцуулах аж.
