Гүйлтийн цанын олимпын долоо, дэлхийн 13 удаагийн аварга Норвегийн алдарт тамирчин Петтер Нортуг хурд хэтрүүлсэн, мансууруулах бодис хадгалсан хэргээр 7 сараар шоронд хоригдохоор болжээ. Тэрбээр наймдугаар сарын 13-нд дээд хязгаар нь 110 км-ын хурдны замд 168 км-ын цагийн хурдтай явж байгаад баригдсан нь цагдаа нарын бичлэгт үлдсэн. Түүнчлэн түүний гэрт нь нэгжлэг хийхэд кокаин олдсон юм. Энэ бүгдийг алдарт тамирчин хүлээн зөвшөөрсөн. Түүнчлэн Норвегийн хуулинд хурд хэтрүүлсэн хүнийг бүх насаар нь жолоодох эрхийг хасдаг бөгөөд Нортуг жолооны үнэмлэх шинээр авах өргөдөл гаргахад дор хаяж 5 жилийн хугацаа шаардлагатай.