Монголын Үндэсний Бөхийн Холбооноос гурав дахь удаагаа зохион байгуулж буй Алтан цомын барилдаанд энэ жил Үндэсний шилдэг найман компанийн төлөөлөл 8 баг тойргоор барилдаж байгаа бөгөөд гуравдугаар тойргийн эхний хэсгийн барилдаанд Хатант интернэшнл ХХК-ийн “ХАТАНТ ИНТЕРНЭШНЛ” баг, Од групп ХХК-ийн “ОД ГРУПП” багууд учраа таарч барилдсанаас Од групп баг 14:11-ээр хоёр дахь ялалтаа авлаа.

Од групп багт улсын аварга О.Хангай /4/, улсын заан Д.Хүдэрбулга /3/, улсын харцага М.Бэлгүтэй /2/ гуравдугаар тойргоос сэлгээнд сууж, түүний оронд орж барилдсан улсын харцага Г.Ганхуяг /0/, улсын өсөх идэр начин Б.Түмэндэмбэрэл /2/, аймгийн начин Б.Гончигсүрэн /2/, дөрөвдүгээр тойргоос сэлгээнд сууж, түүний оронд орж барилдсан аймгийн арслан Д.Батбаяр /0/, тавдугаар тойргоос сэлгээнд сууж, түүний оронд орж барилдсан аймгийн арслан Х.Наранбаяр /1/ нийт 14 даваа авсан бол Хатант интернэшнл багт улсын заан С.Сүхбат /3/, улсын начин Т.Дүгэрдорж /0/ улсын начин Э.Мөнхжаргал /2/, аймгийн арслан Б.Шаравдорж /4/, аймгийн заан Э.Түмэндэмбэрэл /0/ хоёрдугаар тойргоос сэлгээнд сууж, түүний оронд орж барилдсан, улсын арслан Р.Пүрэвдагва /2/, тавдугаар тойргоос сэлгээнд сууж, түүний оронд орж барилдсан улсын харцага Б.Зоригтбаатар /0/ нийт 11 даваа авлаа.

Хатант интернэшнл багийн дасгалжуулагчаар Улсын арслан Р.Пүрэвдагва, Од групп багийн дасгалжуулагчаар Улсын заан Ц.Мягмарсүрэн нар ажиллав.

Харин Миг даатгал ХХК, Хушхан ХХК-ийн “ЭВ МОНГОЛ” баг, Хэрэйд ХХК-ийн "ХҮЛЭГҮ" багтай учраа тааран барилдсанаас Эв Монгол баг 20:5-аар өрсөлдөгчөө илт давуу буулган авч, эхний ялалтаа авлаа.

Эв Монгол багт улсын арслан Э.Оюунболд /4/, улсын заан Б.Пүрэвсайхан /5/, улсын заан М.Лхагвагэрэл /5/, аймгийн хурц арслан Э.Мөнхбаатар /1/ хоёрдугаар тойргоос сэлгээнд сууж, түүний оронд орж барилдсан аймгийн арслан Я.Бумбаяр /2/,

аймгийн харцага Б.Рэнчинжүгдэр /3/ нийт 20 даваа авсан бол Хүлэгү багт улсын заан Д.Серик /3/ улсын харцага Э.Даш /0/ хоёрдугаар тойргоос сэлгээнд сууж, түүний оронд орж барилдсан улсын заан Д.Анар /0/

улсын начин Д.Цэрэнтогтох /0/, аймгийн арслан Е.Көптилек /0/, аймгийн арслан Н.Намнансүрэн /2/ нийт 5 даваа авлаа.

Эв Монгол багийн дасгалжуулагчаар Улсын начин Б.Адъяахүү, Хүлэгү багийн дасгалжуулагчаар улсын начин Ш Зоригт нар ажиллав.

Маргааш 11:00 цагаас "Эрдэнэт хүлэг" морин спорт уяачдын холбооны 30 жилийн ойд зоруилсан Аймаг цэргийн цолтой болон залуу 256 бөхийн барилдаан Монголын бөхийн өргөөнд болно.

Барилдааны үеэр үзэгчдийн дундаас азтай үзэгч шалгаруулж:

- 1 азтанд- хурдан даага

- 3 азтанд- 1,000,000₮

- 7 азтанд- 500,000₮

- Авто машины дугуйн эрх тус тус гардуулна.