УИХ-ын чуулганы хуралдаан үргэлжилж байна. Хуралдаанаар “Монгол Улсыг 2026-2030 онд хөгжүүлэх таван жилийн үндсэн чиглэл батлах тухай” Улсын Их Хурлын тогтоолын төслийг УИХ-аар хэлэлцэх эсэх асуудлыг хэлэлцэж байна. Энэ үеэр УИХ-ын гишүүн М.Энхцэцэг "Цахилгаан хангамжийн тухай анхдагч хуулийн төслийг боловсруулах гэхээр ЭХЯ-наас нь либералчлах ямар ч хүсэл сонирхол байхгүй" гэв. Түүний илэрхийлсэн байр суурьтай холбоотойгоор Эрчим хүчний сайд Б.Чойжилсүрэн "Та энэ хуулийн төслийг бичнэ гээд УИХ дээр бариад байсан учраас бид бичээгүй. Тахиа өндөгний үлгэр яриад маргаад байлгүйгээр нэг талдаа гаргаад шийдсэн нь зөв гэж бодож байна" гэлээ.