УИХ-ын чуулганы хуралдаан үргэлжилж байна. Хуралдаанаар “Монгол Улсыг 2026-2030 онд хөгжүүлэх таван жилийн үндсэн чиглэл батлах тухай” Улсын Их Хурлын тогтоолын төслийг УИХ-аар хэлэлцэх эсэх асуудлыг хэлэлцэж байна. Энэ үеэр УИХ-ын гишүүн Б.Пүрэвдорж "Сайд нар чинь таныг хүндлэхгүй чуулганд суухгүй байна шүү дээ. Т.Доржханд сайд чинь засгаас гарах юм сан гэчихсэн явж байна лээ" гэсэн юм. Харин түүний илэрхийлсэн байр суурийг Шадар сайд Т.Доржханд үгүйсгэв. Тэрбээр "Би “ЗГ-аас гарах юм сан” гэж огт яриагүй. Ардчилсан намынхан ХҮН намыг засгаас гаргамаар байгаа бол хэлээрэй. ХҮН намын даргын өмнөөс мэдэгдэл хийдэг болчхож" гэлээ.