УИХ-ын чуулганы нэгдсэн хуралдаан эхэллээ. Өнөөдрийн хуралдаанаар нийт есөн асуудал хэлэлцэнэ гэдгийг УИХ-ын дэд дарга Б.Пүрэвдорж танилцууллаа. Тодруулбал хуралдааны эхэнд 2026 оны төсвийн хүрээний мэдэгдлийн гурав дахь хэлэлцүүлгийг хийх бол үргэлжлүүлэн 2026 оны төсвийн тухай хуулийн төслүүдийг хэлэлцэх аж.

Үүний дараа хэлэлцэх асуудлуудын тавдугаарт УИХ-ын дэд даргыг чөлөөлөх, зургаадугаарт, УИХ-ын дэд даргыг томилох асуудлыг хэлэлцэх юм байна. Харин хуралдааны төгсгөлд Х.Ганхуягийг Шадар сайдаар томилох асуудлыг танилцуулж, тангараг өргөх ёслолын ажиллагаа явагдана.