Цахим орчинд болон зарим хэвлэл мэдээллийн хэрэгслүүдээд Бригадын генерал Р.Чингисийг ЦЕГ-ын Тэргүүн дэд даргаар томилсон гэх мэдээлэл цацагдсан.
Энэ талаар ЦЕГ-аас тодруулахад "Хууль зүй, дотоод хэргийн сайдын эрхлэх асуудлын хүрээнд манайд хоёр томилгоо л хийгдсэн. Нэг нь ЦЕГ-ын даргаар ажиллаж байсан Т.Сүхболдыг чөлөөлж, оронд нь Ж.Болдыг томилсон.
Харин ЦЕГ-ын Тэргүүн дэд дарга Ц.Ням-Очирыг үүрэгт ажлаас нь чөлөөлсөн ч оронд нь хэн нэгнийг томилоогүй байна" гэлээ.
Мөн "Бригадын генерал Р.Чингис нь шүүхийн шийдвэрийн дагуу өмнөх ажил буюу Дотоод цэргийн штабын даргаар эргүүлэн томилогдсон" гэв.
Сануулахад, Л.Оюун-Эрдэнийн Засгийн газрын үед Р.Чингисийг жагсаал цуглааныг санхүүжүүлж зохион байгуулсан гэх үндэслэлээр тухайн үеийн ХЗДХ-ийн сайд О.Алтангэрэлийн тушаалаар ажлаас нь чөлөөлөөд байсан юм.
