Монгол Ардын намын бүлэг ээлжит бусаар 18.00 цагаас хуралдахаар болсон. Хуралдаанаар бүлгийн даргын асуудлыг хэлэлцэх болтой. Ингэхдээ Ж.Батжаргалыг жинхлэх тохироог хийсэн байна. Харин өмнөх бүлгийн дарга Ж.Бат-Эрдэнийг УИХ-ын дэд дарга Х.Булгантуяагийн оронд томилох тохироог хийжээ.
Тодруулбал, өнгөрөгч аравдугаар сарын 15-ны өдөр У.Отгонбаяр тэргүүтэй МАН-ын бүлэг ээлжит бусаар хуралдаж, бүлгийн даргаараа УИХ-ын гишүүн Ж.Батжаргалыг сонгосон байдаг. Гэвч үүнээс хойш бүлгийн даргаар ажиллаж байсан Ж.Бат-Эрдэнэ болон хуралд оролцоогүй гишүүд дүрмийн бус, хууль зөрчсөн гэж мэдэгдээд байсан юм. Үүссэн эл нөхцөл байдалтай холбогдуулан МАН-ын Удирдах зөвлөлөөс эв нэгдлийг хангаж эвлэрүүлэхээр ажлын хэсэг хүртэл байгуулагдаж, өчигдөр төрийн ордонд холбогдох уулзалтуудыг хийсэн юм.
