УИХ-ын Өргөдлийн байнгын хороогоор Ахмад настны тэтгэврийг нэмэгдүүлэх, тэтгэврийн зээлийн хүүг бууруулах, эрүүл мэндийн болон асрах үйлчилгээг сайжруулах талаар иргэдээс ирүүлсэн өргөдлийг судлан үзэж, санал, дүгнэлт боловсруулах үүрэг бүхий ажлын хэсгийн санал, дүгнэлтийг хэлэлцлээ.

Энэ үеэр УИХ-ын гишүүн Б.Бат-Эрдэнэ "Ажил хийж буй хүнийг тэтгэвэрт гарахад нь шууд ядуурлын доод түвшин рүү оруулж байна. Яаж наад тэтгэврээр чинь хүн амьдрах юм бэ. Анхдагч хэрэгцээгээ хангаж чадахгүй байна шүү дээ" гэж шүүмжлэв.