УИХ-ын нэр бүхий 38 гишүүн чуулганаар Ерөнхий сайдыг огцруулахыг дэмжээгүй ТББХ-ны саналыг “Дэмжье“ гэсэн санал хураалт явуулах хүртэл хуралдаанд оролцохгүй гэдгээ мэдэгдсэн бөгөөд ТББХ-ны саналаар санал хураалт явуулах нь Үндсэн хуулийн зөрчил рүү орно гэх асуудлыг хөндсөн. Тэгвэл эл асуудлаар гишүүд ҮХЦ-д хандаж буйгаа мэдэгдлээ.

Энэ үеэр ЗГХЭГ-ын дарга С.Бямбацогт "Х.Булгантуяа УИХТГ-ын алба хаагчдыг дарамталж, хуулийн буруу тайлбар гаргуулаад түүнийгээ УИХ-ын индэрийг ашиглаж, иргэдийн тархийг угааж байна. Хууль зөрчсөн үйлдлээ зөвтгөж байгаа нь Х.Булгантуяаг эргүүлэн татах үндэслэл болно" гэлээ.