Хуульзүйн байнгын хороо өнөөдөр хуралдлаа. Хуралдаанаар Үндсэн хуулийн цэцэд хүсэлт гаргах саналын тухай асуудлыг хэлэлцсэн. Энэ үеэр УИХ-ын гишүүн Ц.Сандаг-Очир "Санал гаргаснаар нь С.Ганбаатараас асууя. Гишүүний өргөсөн тангарагаасаа няцсан гэх хэргийг гишүүний бүрэн эрхийнх нь хугацаанд ярих ёстой юм уу эсвэл өмнө нь үүссэн хэрэгтэй нь ярих юм уу" гэв.

Түүний асуултад УИХ-ын гишүүн С.Ганбаатар "Энэ асуудлыг надтай битгий холбож бодоорой. Дараа дараагийн парламентад орж ирэх залуу гишүүд мөрдөж, шалгуулж зовж зүдэрч, хулгайч гэж гүтгүүлж доромжлуулахын оронд Үндсэн хуулийн заалтаар бүрэн эрхийг нь түдгэлзүүлдэг байгаач л гэж байгаа юм" гэлээ.