УИХ дахь МАН-ын бүлэг хуралдаж дууслаа. Хуралдаанаас багш нарын цалинг 15-20 хувь, эмчийн цалинг 10-15 хувь, ахмадуудын тэтгэврийг 8 хувиар нэмэгдүүлэхээр шийдвэрлэсэн юм. Тэгвэл энэ талаар Сангийн сайд Б.Жавхлан "Цалин, тэтгэврийг нэмэгдүүлэхэд багадаа 850 ТЭРБУМ төгрөг шаардагдана. Энэ хүсээд байхаар тооцоолол биш. Цалин, тэтгэврийг нэмэгдүүлэх нөөц боломж байхгүй. Харин төсвөөр санхүүжих төрийн үйл ажиллагааг хязгаарлана л гэсэн үг" гэв.
