Монгол Улсын 2026 оны төсвийн тухай хуулийг хоёр дахь хэлэлцүүлэгт бэлтгүүлэхээр байнгын хороодод шилжүүлсэн. Гэвч улс төрийн нөхцөл байдлаас шалтгаалан төсвийн хэлэлцүүлэг зогсонги байдалд ороод байгаа юм.

Тэгвэл Сангийн сайд Б.Жавхлан байр сууриа илэрхийлж "Төсвийг хугацаанд өргөн мэдүүлсэн боловч УИХ хэлэлцэхгүй байна. Өдийд төсвөө хэлэлцээд, ажлын хэсэг нь байгуулагдсан байдаг. Энэ долоо хоногт төсвөө хэлэлцээд, ажлын хэсэг нь байгуулагдаасай гэж хүсэж байна. Улсын төсөв бол эдийн засгийн толь нь байдаг. Төсөв хэрхэн батлагдахаас хамаарч бүтээн байгуулалт, хөрөнгө оруулалтын төлөвлөгөөгөө гаргадаг.

Гэтэл цагалбарын дагуу 10-р сар гарсан байхад төсвийн 2 дахь хэлэлцүүлгээ хийж амжаагүй яваа нь эрсдэл дагуулж байна" гэлээ.