Хөвсгөл аймгийн Тариалан сумын нутагт алга болсон бага насны хүүхдийг эрэн хайх ажиллагаа тав дахь өдрөө үргэлжилж байна. Эрлийн ажилтай холбогдуулан сураггүй алга болсон хүүгийн ээж С.Мягмарсүрэн хэвлэлд яриа өгчээ. Тэрбээр "Хүү минь амьд байгаа юм шиг л мэдрэмж төрөөд байна. Хүүг минь зүүн хойд зүгээс эрэгтэй хүн тэврээд гараад ирэх шиг зөн совин төрөөд байна. Миний хүү дүүтэйгээ дандаа хамт байдаг. Сэрээд дүүгээ хараад хаяад явмааргүй юм. Одоо хүртэл ямар ч сураг гарахгүй байгаад маш их гайхаж байна" гэв.