Хууль зүйн үндэсний хүрээлэнгийн захирал Х.Эрдэм-Ундрах, МУИС-ийн Хууль зүйн сургуулийн захирал Ж.Эрдэнэбулган нар энэ сарын 14-нд хамтын ажиллагааны санамж бичигт гарын үсэг зурлаа.

Санамж бичгийн хүрээнд судалгаа шинжилгээний ажил хийх, төсөл, хөтөлбөр хэрэгжүүлэх, шинэ технологи, инновацын хамтын ажиллагаа, түншлэлийг өргөжүүлэх, хөрөнгө оруулалт босгох, зөвлөх үйлчилгээ хэрэгжүүлэх, оюутан дадлагажуулах, ажиллуулах, хүний нөөцийн залгамж холбоог бий болгох, профессор багш, эрдэмтэн, судлаачдын хамтын ажиллагааг өргөжүүлэх зэрэг олон чиглэлээр 2 тал хамтран ажиллахаар боллоо.

Түүнчлэн эрдэмтдийг алдаршуулах, туурвисан бүтээлийг сурталчлах ажлыг хамтран зохион байгуулж ажиллах,  магистрант, докторантыг сургах, бэлтгэх, магистр, докторын зэрэг горилж буй судалгааны ажлын чанар, хүртээмжийг дээшлүүлэхэд чиглэсэн тодорхой ажлуудыг хийхээр төлөвлөж байна.