Чингэлтэй дүүрэг утааг бууруулах "Дулаан гэр-Цэвэр агаар" арга хэмжээг энэ сарын 12, 13-ны өдрүүдэд зохион байгуулагдаж байна. Үүнтэй холбогдуулан агаарын бохирдлыг бууруулах, монгол гэр, байшингийн дулаан алдагдлыг бууруулах, эрчим хүчний хэмнэлттэй ногоон технологийн шийдлүүдээс иргэдэд таниулах чиглэлээр Ногоон технологи, инновацийн зөвлөлтэй хамтран ажиллах санамж бичиг байгуулсан гэж Чингэлтэй дүүргийн засаг дарга Н.Мандуул мэдээллээ.
Мөн энэ чиглэлд дүүргийн айл өрхүүдээс шаардлага хангасан 300 хүртэлх монгол гэр, байшингийн зуухыг эрчим хүчний хэмнэлттэй агаар-агаарын дулааны насосоор сольж шинэчлэх санхүүжилтийн гэрээг байгуулсан байна.
