Насанд хүрэгчдийн боксын дэлхийн аварга шалгаруулах тэмцээн энэ сарын 4-нөөс 14-нийг хүртэл Их Британи улсад болно. Тус тэмцээнд Монгол Улсыг төлөөлж үндэсний шигшээ багийн дасгалжуулагч О.Батхүү, Рубeн Пинейро Санчез, Ж.Еркин нарын удирдлага дор эрэгтэй, эмэгтэй тус бүр таван боксчин оролцохоор өнөөдөр \2025.9.1\ Их Британи Улсын Ливерпүүл хотыг зорилоо.
Уг тэмцээнд Монгол Улсыг төлөөлж эрэгтэйчүүдийн 50 кг-д А.Баттулга, 55 кг-д Х.Билгүүнсайхан, 60 кг-д Г.Лундаа, 65 кг-д Б.Мишээлт, 70 кг-д О.Бямба-Эрдэнэ оролцоно. Харин эмэгтэйчүүдийн 48 кг-д Л.Алтанцэцэг, 51 кг-д Б.Мөнгөнсаран, 54 кг-д О.Есүгэн, 57 кг-д М.Энхжаргал, 60 кг-д М.Намуун нар оролцохоор болжээ.
Э.Ариунтөгс
