"Чоно" хамтлагийн ахлагч Д.Дэрмээг Төрийн дээд "Алтангадас" одонгоор шагнахаар болжээ. Тэрбээр 10 хүүтэй айлын отгон хүү бөгөөд, "Хурд" хамтлагийнхны төрсөн дүү юм. "Чоно" хамтлагийг байгуулаад 22 жил тасралтгүй уран бүтээлээ туурвиж байгаа түүний урлагт оруулсан хувь нэмрийг үнэлж, ийнхүү Алтангадас одонгоор шагнахаар болсон аж. Тус хамтлаг “Залуу нас”, “Чамд таалагдахын тулд”, “Хайлж, урсаж байна” тэргүүтэй олон арван дуугаараа монголчуудын хайр, хүндэтгэлийг хүлээсэн билээ.
