Найман настай, 2-р ангийн сурагч Г.Хүслэн охин Дэлхийн Математикийн Уралдаанд тэргүүлж, алтан медаль хүртжээ. Тэрбээр 32 орны хүүхдүүдээс шалгарч ийнхүү дэлхийн тэмцээнээс тэргүүн байрыг эзэлсэн байна. Аваргын алтан медалиа авахдаа Монгол дээлээрээ гоёсон Г.Хүслэн охин цахим орчинд монгол түмний хайр, бахархлыг төрүүлж байгаа юм.
Дэлхийн Математикийн тэмцээн 2025 оны 6-сарын 25-нд Тайландын Бангкок хотод болсон юм. Тус тэмцээнд алт , мөнгө , хүрэл , медалтай орон орны шилдэг тоочид өрсөлдсөн юм.
