Ерөнхийлөгч У.Хүрэлсүхийн санаачилгаар үндэсний хэмжээнд "Тэрбум мод" хөтөлбөр хэрэгжиж буй. Тус хөтөлбөрт хувь хүн, айл өрхөөс эхлээд албан байгууллагууд нэгдэж, мод тарьж байгаа. Тэгвэл тус хөтөлбөрийг харилцаа холбооны салбарынхан дэмжиж, мод тарьсан иргэнийг датагаар урамшуулах болсноо зарлалаа. Хэрвээ та мод тарьсан бол, тарьж ургуулсан модоо E-Mongolia цахим платформд бүртгүүлэх юм байна. Хугацааны хувьд ирэх 10-р сарын 1 хүртэл тарьсан модоо бүртгүүлж, урамшууллаа авах боломжтой аж.
