6-р сарын 20-нд тоглогдох байсан Flash болон Outlaw хамтлагуудын хамтарсан тоглолт цуцлагдсан талаар Outlaw хамтлагаас албан ёсоор мэдээллээ. Энэ сарын эхээр Flash хамтлаг санал тавьснаар тус хамтлагууд хамтран тоглолт зохион байгуулахаа зарлаад байсан юм. Энэ тухай Outlaw” хамтлагийн дуучин Э.Ариун-Эрдэнэ хэлэхдээ " 2 хамтлаг бол гэрээний үүргээ 2 талаас 100 хувь биелүүлээд явж байсан. Сүүлийн үед цэнгэлдэхийн шоунууд хэт их олширч байна. Гэрээ хийсэн атлаа гэрээний үүргээ биелүүлэхгүй байна. Манай хамтлагийн зүгээс бол тоглоход ямар ч асуудал байгаагүй. Зохион байгуулагч тал маань хариуцлагагүй хандлаа. Өмнөх жилүүдэд цэнгэлдэхийн маш том арга хэмжээг зохион байгуулж байсан баг. Гэхдээ энэ бол санхүү мөнгөтэй ямар ч холбоогүй. 2 хамтлагийн хувьд бол тоглоход ямар ч асуудал байгаагүй. Үл ойлголцсон эсвэл санхүү, мөнгөтэй холбоотой асуудал биш гэдгийг онцолъё. Тоглолтыг хүлээж байсан олон сонсогчдоосоо хүлцэл өчье" хэмээн мэдээлэв.

Мэдэгдлийг ЭНД дарж үзнэ үү.