Ерөнхий сайд Л.Оюун-Эрдэнэд итгэл үзүүлэх эсэх тогтоолыг УИХ-д хүргүүлж, ирэх долоо хоногт хэлэлцэхээр болсон. Дээрх асуудлаар УИХ-ын гишүүн Д.Энхтүвшингээс тодрууллаа. Тэрбээр "Хамтарсан ЗГ-ын асуудлыг намын бага хурлаар өөрөө оруулж шийдвэр гаргуулчхаад, түүндээ итгэл үнэмшил өгөхгүйгээр өөртөө итгэл хүлээлгэх асуудлыг УИХ-аар оруулах гэж байгаа нь зохимжгүй үйлдэл. Ерөнхий сайдад итгэл үзүүлэх тогтоолын төсөлд Үндсэн хуульд нийцсэн бодлогын зүйлс харагдаагүй" гэлээ.