Увс аймагт өнөөдөр 4.3 магнитудын хүчтэй газар хөдлөлт болсон байна. Тодруулбал, аймгийн Бөхмөрөн сумын Гурванжигэртэй багийн Жигэртэй гэх газар буюу сумын төвөөс хойд зүгт 19 км-т өглөө 06:41 цагийн үед газар хөдлөлт болсон талаар онцгой байдлын газраас мэдээлэв. Хэдий газар хөдлөлтийн чичирхийлэл иргэдэд мэдрэгдсэн ч хохирол учраагүй байна.

Ташрамд мэдээлэхэд, магнитуд гэдэг нь газар хөдлөлтийн төвд багажаар хэмжсэн үзүүлэлт бол, газрын хөрсөн дээр хүн болон барилга байгууламжид нөлөөлөх хүчийг баллаар хэмждэг. Газар хөдлөлтийн баллын хэмжээ 3-4 байвал хүнд мэдрэгдэх боломжтой, 6 баллаас хэтэрвэл барилга байгууламжид эвдрэл үүсэх магадлалтай, арваас хэтэрвэл барилга байгууламж нурах аюултай байдаг.