Хамтарсан Засгийн газар тарж, Ерөнхий сайд огцрох нөхцөл бүрдсэнтэй холбоотойгоор нийтийн сүлжээнд дараагийн Ерөнхий сайд хэн байх вэ гэх агуулга бүхий хэд хэдэн хүний нэрс яригдаж эхлээд буй.

Тэгвэл МАН-ын Ерөнхий нарийн бичгийн дарга Я.Содбаатар өөрийн цахим хуудастаа "Хэвлэл мэдээлэл, сошиал орчинд намайг Ерөнхий сайдаар томилогдох гэж буй мэт мэдээллүүд олноор цацагдлаа. Худал цуурхал бүтэн өдөржин тархаж, элдвээр гүтгэн бужигналаа. Шинэ Ерөнхий сайдын томилгоо хаана ч яригдаагүй. Мөн надад ийм амбиц байхгүй гэдгийг хэлье" гэлээ.