Нийслэлд авто замын засвар шинэчлэлтийн ажил үргэлжилж байгаа тул зорчих хэсгийг хэсэгчлэн хааж буй. Энэ хүрээнд Сүхбаатар дүүргийн 7, 8 дугаар хороо, Денверийн гудамжны авто зам, Энхтайваны өргөн чөлөөнөөс Сэлбэ голын баруун эрэг дагуу Их тойруу хүртэлх 1.4 км авто замыг хааж, шинэчилнэ. Тодруулбал, тавдугаар сарын 24-ний 23:00 цагаас 26-ны 06:00 цагийн хооронд хааж, засварлана.

Зам засварын ажлын хүрээнд авто замын зорчих хэсгийн асфальт бетон хучилт, тэмдэг тэмдэглэгээ хийх зэрэг ажлыг гүйцэтгэнэ. Иймд иргэд, жолооч та бүхэн бусад замыг сонгон хөдөлгөөнд оролцохыг зөвлөлөө.