Улаанбаатар хотоос орон нутагт шилжин амьдрах сонирхолтой иргэдийн хөл хөдөлгөөн, эрэлтийг дагаад орон сууцны барилгын бүтээн байгуулалт эрчимжиж байна. Тодруулбал, энэ оны нэгдүгээр улиралд Эрдэнэт болон Дархан-Уул аймагт орон сууцны барилгын ажлууд идэвхжсэн байна.

Үндэсний статистикийн хорооны нэгдүгээр улирлын урьдчилсан гүйцэтгэлээр, Орхон аймагт 65.2 тэрбум төгрөг, Дархан-Уул аймагт 47.0 тэрбум төгрөгийн дотоодын барилгын байгууллагын барилга угсралт, их засварын ажлуудыг тус тус гүйцэтгэсэн нь аймгуудын барилга угсралтын ажлын дүнд 64.4 хувийг эзэлж байна. Тэгвэл уул уурхайн бүс нутаг Өмнөговь аймагт Оюу толгойн далд уурхайн бүтээн байгуулалтын ажил, авто замын 196.6 тэрбум төгрөгийн ажил өрнөжээ.