Дархан-Уул аймгийн ИТХ-ын анхдугаар хуралдаан яг одоо үргэлжилж байна.
Хуралдаанаар Аймгийн ИТХ дахь МАН-ын бүлгээс Дархан-Уул аймгийн Засаг даргад Болдбаатарын Азжаргалыг улираан томилуулахаар дэвшүүлсэн бол заалнаас С.Насанбатын нэрийг дэвшүүлэх санал гаргасан аж.
Харин амйгийн ИТХ дахь АН-ын бүлгээс нэр дэвшүүлээгүй байна. Иймд хоёроос дээш хүнийг нэр дэвшүүлсэн тохиолдолд хуулийн дагуу нууцаар санал хураахаар болжээ.
Мөн тус аймгийн ИТХ-ын анхдугаар хуралдаанаар МАН-ын бүлгээс аймгийн ИТХ-ын даргад 7-р тойргоос сонгогдсон төлөөлөгч Алтангэрэлийн Янжмааг, АН-аас 8-р тойргоос сонгогдсон төлөөлөгч Лувсаншаравын Анар-Эрдэнийг дэвшүүлэн нууцаар санал хураалаа. Санал хураалтад оролцсон 40 хүчинтэй саналаас 25 төлөөлөгч буюу нийт төлөөлөгчдийн 62.5 хувийн саналаар Алтангэрэл овогтой Янжмааг Дархан-Уул аймгийн ИТХ-ын даргаар сонгожээ.
Сануулахад, Орон нутгийн сонгуулиар Дархан-Уул аймгийн ИТХ-ын 41 мандатын төлөө 5 нам, 2 бие даагч нийт 95 нэр дэвшигч өрсөлдөн МАН 24, АН 16, бие даагч 1 суудал авсан байдаг.
