Дөрөвдүгээр сард улсын хэмжээнд ноолуурын дундаж үнэ килограмм нь 120 мянган төгрөг байсныг Үндэсний статистикийн хороо мэдээллээ. Статистикаар, хамгийн үнэтэй нь Хөвсгөл аймагт 141 мянган төгрөгийн үнэтэй байгаа бол араас нь Архангай, Орхон, Завхан, Булган, Дорнод, Баянхонгор аймаг эрэмбэлэгдэж байна.

Тодруулбал, эдгээр аймагт ноолуурын үнэ улсын дунджаас өндөр буюу 130.000-139 мянган төгрөгийн үнэд хүрчээ. Харин Говь-Алтай аймагт хамгийн хямд буюу 100 мянган төгрөг, Баян-Өлгий 101.667 төгрөг, Дорноговь, Төв аймаг 105 мянган төгрөгийн үнэтэй байжээ.

Малчдын хувьд төлийн дуу цангинахтай зэрэгцээд ноолуураа тушаах сезоны үе нь эхэлсэн ч энэ жил ноолуур үнэгүйдэхэд хүрсэн талаар бид өмнө нь сурвалжилж байсан билээ.