Энэ онд манай улс 83 сая тонн нүүрс экспортлохоор төлөвлөж төсвийн тэнцвэржүүлсэн орлого, тусламжийн дүн 33.5 их наяд төгрөг байхаар төсөөлж буй. Хамгийн сүүлийн мэдээллээр, энэ сарын 14-ний өдрийн байдлаар 295.3 мянган тонн нүүрс, оны эхнээс 25,648.9 мянган тонн нүүрс экспортолжээ. Энэ нь өнгөрсөн оны мөн үетэй харьцуулахад 5.9 хувиар буурсан үзүүлэлт болохыг гаалийн байгууллагаас мэдээлэв.
Үндэсний статистикийн хорооны мэдээлснээр энэ оны дөрвөн сард экспорт өмнөх оны мөн үеэс 695 сая ам.доллароор буурахад нүүрсний орлого 1.2 тэрбум ам.доллароор буурсан нь нөлөөлжээ.
