УИХ-ын чуулганы ээлжит хуралдаанд үргэлжилж байна. Хуралдаанаар “Монгол Улсын хөгжлийн 2026 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2025.04.30-ны өдөр өргөн мэдүүлсэн/ анхны хэлэлцүүлгийг хийж байна. Энэ үеэр УИХ-ын дарга Д.Амарбаясгалан УИХ-ын гишүүд болон гишүүдийн асуултад хариулж буй албан тушаалтнуудыг тодорхой, ойлгомжтой ярьж сур хэмээн шүүмжлэв. Тэрбээр "Хариулт өгч байгаа албан тушаалтууд УИХ-ын гишүүний асуултыг давтаж хэлээд, хариултдаа 10-хан секунд үлдээчих юм. Эсвэл энэ нь нэг төрлийн арга тактик юм уу. Элдэв янзын оршилгүй, тодорхой ярьж сурцгаа " гэв.
