Арилжааны банкууд өнгөрсөн онд зээлийн шалгуураа сулруулж байсан бол энэ оны нэгдүгээр улиралд тэтгэвэр, цалингийн зээлийн шалгуураа нэлээд, хэрэглээ болон автомашины зээлийн шалгуураа бага зэрэг чангаруулсан байна. Харин бизнесийн болон малчны зээлийн шалгуураа бага зэрэг сулруулсан байна.

Банкуудын зээлийн төлөвийг харвал, ирэх улиралд мөн цалингийн зээлийн шалгуурыг бага зэрэг чангаруулах бол бусад төрлийн зээлийн шалгуураа хэвээр хадгалах төлөвтэй байна. Үүний сацуу худалдаа, үйлчилгээний салбарын зээлийн шалгуурыг хэвээр нь хадгалах, уул уурхайн салбарын зээлийн шалгуурыг бага зэрэг чангаруулах, бусад салбарт олгох зээлийн шалгуурыг бага зэрэг сулруулах төлөвтэй байна.