Монголбанк бодлогын хүүг 12 хувь болгож, өр орлогын харьцаа 40/60 хувь байсныг 50/50 болгон чангаруулсан билээ. Энэ нь арилжааны банкуудад "зээл олголт хумигдана" гэж ойлгож болох юм. Тэгвэл өнөөдрийн байдлаар томоохон банкууд аж ахуйн нэгжийн зээлийн шалгууртаа өөрчлөлт оруулаагүй ч иргэдэд олгох зээлийн шалгуурыг чангаруулаад буй юм. Тэгвэл энэ улиралд арилжааны банкууд аж ахуйн нэгжид олгох зээлийн шалгуураа бага зэрэг сулруулах төлөвтэй байгааг Монголбанк тайландаа дурджээ.

Арилжааны банкуудын төлөвийг харвал оны хоёрдугаар улиралд худалдаа, үйлчилгээний салбарын зээлийн шалгуурыг хэвээр нь хадгалж, бусад салбарт олгох зээлийн шалгуурыг бага зэрэг сулруулах бол уул уурхайн салбарын зээлийн шалгуурыг бага зэрэг чангаруулах нь.