Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөр УИХ-ын Эдийн засгийн байнгын хорооны гишүүдийг хүлээн авч уулзжээ. Энэ үеэр ЕАЭЗХ-той байгуулах чөлөөт худалдааны түр гэрээний явцын талаар танилцуулга хийсэн байна. Танилцуулгын дараа Эдийн засгийн байнгын хорооны гишүүдийн асуултад хариулж, Монгол Улсын эдийн засагт хэрхэн нөлөөлөх талаар тодорхой мэдээллүүдийг өгсөн байна. Уулзалтын үеэр шинжлэх ухааны салбар өнгөрсөн жилүүдэд орхигдож ирсэн. Тиймээс өргөн хэмжээнд хэлэлцэж сайжруулах тал дээр арга хэмжээ авах хэрэгтэй гэсэн санал гаргасан байна. Энэ дагуу Эдийн засгийн байнгын хорооны гишүүдтэй цаашдаа салбар салбараар нь сэдэвчилж уулзалт хийхээр тохирлоо.