Монголын Үндэсний Допингийн Эсрэг Байгууллагаас Zerofit нэрийн тураах кофенд допингийн эсрэг бодис агуулсан тул тамирчдыг хэрэглэхгүй байхыг анхаарууллаа. Тодруулбал,

Дэлхийн Допингийн Эсрэг Агентлагаас жил бүр шинэчилж гаргадаг Хориглосон бодисын жагсаалтын S6 бүлэгт хамаарах Сибутрамин нь бүх цаг үед хориглосон бодис юм. Сүүлийн үеийн шинжилгээгээр, Zerofit нэрийн тураах кофенд энэхүү хориотой сибутрамин бодис агуулагдаж байгаа нь БНХАУ-ын итгэмжлэгдсэн лабораторийн шинжилгээгээр тогтоогдсон бөгөөд тухайн бүтээгдэхүүний найрлагын шошгонд энэ бодис тэмдэглэгдээгүй байсан нь анхаарал татаж байна. Иймд дараах зөвлөмжийг өглөө.

1. Zerofit болон түүнтэй төстэй тураах, үйлчилгээтэй бүтээгдэхүүнүүдийн хэрэглээнээс зайлсхийх;
2. Хэрэглэх гэж буй эм, хүнсний болон биологийн нэмэлт бүтээгдэхүүний найрлага, аюулгүй байдал, баталгаажсан эсэхийг мэргэжлийн байгууллагаар шалгуулах;
3. Хориглосон бодисын жагсаалттай тогтмол танилцаж, хэрэглэж буй бүх бүтээгдэхүүний найрлагыг нягтлах нь тамирчны үүрэг гэдгийг анхаарах.