Засгийн газрын өнөөдрийн ээлжит хуралдаанаар нүүрсний экспортын гарцыг нэмэгдүүлэх хүрээнд Зам тээврийн яаманд Тавантолгойн бүлэг ордуудаас Ханги-Мандал боомт руу чиглэсэн 472 км хатуу хучилттай авто замуудыг богино хугацаанд ашиглалтад оруулж тээвэрлэлтийг яаралтай эхлүүлэх үүрэг өглөө. Сангийн сайд Б.Жавхлангийн хэлснээр авто замын бүтээн байгуулалтын ажил дуусаж ашиглалтад ороход бэлэн болжээ.

Ерөнхий сайд Л.Оюун-Эрдэнийн тэргүүлсэн Засгийн газар эдийн засгийг гурав дахин тэлэх зорилт тавьж, үүний тулд хилийн боомтуудын нэвтрүүлэх хүчин чадлыг нэмэгдүүлэх, төмөр зам болон авто замаар холбох ажлыг эхлүүлсэн билээ.