Харилцаа холбоо, мэдээллийн технологийн Зүүн бүсийн чуулган энэ сарын 29-нд зохион байгуулагдахаар боллоо. Тодруулбал, эл чуулган танхим болон цахим хэлбэрээр зохион байгуулагдах бөгөөд Хэнтий аймгийн Чингис хотод болох юм.
Ташрамд дурдахад, зүүн бүсийн бүх аймаг сум шилэн кабелиар холбогдсон ч 45 багт сүлжээ ороогүй байдалтай байна. Иймд 2025 онд 29 цэгт сүлжээ оруулах зорилтыг салбар яамд тавиад байна.
Түүнчлэн зүүн бүсэд 230 орчим мянган иргэн амьдарч байгаа бөгөөд 50 гаруй хувь нь төрийн үйлчилгээг цахимаар E-Mongolia системээс авч байна.
