УИХ-ын чуулганы хуралдааны үдээс өмнөх хуралдаан боллоо. Хуралдаанаар Монгол Улсын Ерөнхийлөгчийн 2024 оны 11 дүгээр сарын 19-ний өдрийн хоригийг хүлээн авсантай холбогдуулан хууль, тогтоолын төслийг хэлэлцэх дэгийг хэлэлцсэн юм.

УИХ-ын гишүүн Ч.Лодойсамбуугаар ахлуулсан ажлын хэсгийн боловсруулсан нэг удаагийн дэгийн хуулийн төслийг эцэслэн батлах санал хураалтаар хуулийн төсөл дэмжигдсэнгүй. Иймд Төсвийн болон Хууль зүйн байнгын хороо хамтарсан хурлаа хийж, дэгийг дахин боловсруулж үдээс хойшхи чуулганы хуралдаанаар оруулж ирэх үүргийг УИХ-ын дарга өглөө.