1Хbet-ийг сурталчлах, дэмжих, зохион байгуулах зэрэг бүх үйлдэлд Эрүүгийн хариуцлага хүлээлгэдэг болох эрхзүйн зохицуулалт бүхий хуулийн төслийг яаралтай горимоор УИХ-д өргөн мэдүүлэхээр Засгийн газраас шийдвэрлэсэн. Үүнтэй холбоотойгоор ЗГХЭГ-ын дарга Н.Учрал "Цахим мөрийтэй тоглоомыг тоглосон, зохион байгуулсан, зуучласан, сурталчилсан бүх үйлдэлд эрүүгийн хариуцлага хүлээлгэх хуулийг өргөн мэдүүлэхээр ЗГ шийдвэрлэв. Том схем бий болжээ. Иргэдийг дэмжихийг хүсэж байна. УИХ-ын гишүүдэд уриалж өгнө үү. Хуулиар бүрэн хориглож байна. УИХ-аар нэн яаралтай горимоор хэлэлцэнэ. Үндэстэн дамнасан энэ луйврын схемтэй тэмцэхэд дэмжин оролцохыг хүсье" гэжээ.