Ерөнхий сайд Л.Оюун-Эрдэнийг огцруулах УИХ-ын гишүүн Ч.Лодойсамбуугийн саналд Ж.Баярмаа нэгдэж, хамгийн түрүүнд гарын үсгээ зурсан. Гэвч үүний дараа Ардчилсан намын дарга Л.Гантөмөр "Дээрх хоёр гишүүнд хариуцлага тооцох асуудлыг ярина" гэж мэдэгдсэн. Үүнтэй холбоотойгоор АН-ын гишүүн Д.Сосорбарам "Хамтарсан засгийн “Хайрын яам” хувь хүний эрхэнд халдаж, Лодой, Баярмаа нарын үр хүүхэд гэр бүлийг нь айлган сүрдүүлж янаглан энхрийлж байна. Хүн хаана яаж амьдрах нь хэнд ч падгүй. Ардчилсан зүүнтнүүд угаасаа ингэж л хувь хүнийг гутаадаг, гүтгэдэг нь гэм биш зан дадал" гэжээ.