УИХ-ын гишүүн П.Сайнзориг ирэх хаврын чуулганаар бизнесийг дэмжих эрх зүйн орчныг бүрдүүлэх зорилгоор хэд хэдэн хуулийн төслийг өргөн барихаар ажиллаж байгаа талаараа мэдээлсэн. Энэ үеэрээ тэрбээр "1XBET зэрэг МУ-д бүртгэлгүй, татвар төлдөггүй үйл ажиллагааг хориглох, хязгаарлах хуулийн төслийг боловсруулж байна. Мөн арилжаа дампуурлын хуулиудыг боловсруулж ажиллая гэсэн бодолтой байна. Мөн УИХ-ын даргын захирамжаар байгуулагдсан иргэний хууль тогтоомжийг сайжруулах, Үндсэн хуулийн хууль тогтоомжийг боловсронгуй болгох зэрэг ажлын хэсгүүдийнхээ ажилд төвлөрч ажиллана" гэв.