Баянзүрх дүүргийн 11-р хороонд энэ сарын 5-нд дөрвөн иргэн гэртээ шатаж амиа алдсан харамсалтай хэрэг гарсан байдаг. Хэргийг сануулахад, тухайн өдрийн 22.00 цагийн орчимд Онцгой байдлын байгууллагад галын дуудлага ирсэн бөгөөд галыг унтрааж, шалгалтын ажиллагаа явуулахад 37 настай эрэгтэй 1-11 насны гурван хүүхдийн хамт галд өртөж, амиа алдсан байна.

Уг асуудлаар цагдаагийн байгууллагаас тодруулахад "Онцгой байдлын байгууллагаас галын улмаас хүмүүс нас барсан байна" гэх дуудлагыг ирүүлсэн. Энэ дагуу мөрдөн шалгах ажиллагааг үргэлжлүүлж байна. Галын дүгнэлтийг онцгой байдлын байгууллагаас гаргах учраас дэлгэрэнгүй мэдээлэл өгөх боломжгүй байна" гэлээ.