Бэлэн байдлын зэрэгт шилжсэнтэй холбогдуулан "COVID-19"-ийн цар тахлын хөл хорионы үед нийслэлд болон зарим аймагт архи согтууруулах ундаа худалдан борлуулах, түүгээр үйлчлэхийг хориглосон билээ. Гэвч нийслэлд сошиал платформд зар нийтлэн согтууруулах ундаа худалдан борлуулсан хэрэг зөрчлүүд гарсан байна.

Одоогийн байдлаар цахим сүлжээгээр дамжуулан согтууруулах ундаа борлуулж байсан 60 этгээдийг мөрдөн шалгаж байгаа бөгөөд хариуцлага хүлээлгэнэ хэмээн Цагдаагийн байгууллагаас мэдээллээ.