Монгол Улсын гадаад валютын нөөц оны эцэст 5.5 тэрбум ам.доллар /5.509.82/-т хүрч 11.80 хувиар өссөн дүнтэй гарч байв. Харин энэ дүн нэгдүгээр сард буурч 4.8 тэрбум ам.доллар буюу 4 тэрбум 884 сая 28 мянган ам.доллар болж буурчээ. Өөрөөр хэлбэл, 625.592.000 төгрөгөөр буурсан нь өнгөрсөн оны зургаадугаар сарын албан нөөцийн хэмжээнд ирэв.

Ам.долларын ханш чангарч ГВУН буюу гадаад валютын улсын нөөц нэмэгдэх эсвэл буурах нь манай эдийн засаг руу орж гарч буй валютын урсгалаас шууд хамааралтай. Өөрөөр хэлбэл, валют орох урсгалаас илүү гарч буй урсгал нь их байгаа нь экспорт буурч, импорт идэвхтэй өссөнийг илтгэж буй. Мөн албан нөөцийн гол тулгуур ам.долларын ханш чангарч байгаа нь валютын урсгал татрахад нөлөөлж байна.