УИХ-ын гишүүн Х.Баттулга өнгөрөгч онд зохион байгуулж байсан "ХӨХ МОНГОЛЫН ХӨХ ТУГ" аянг дахин эхлүүлж, орон нутгийн иргэдтэй хийх уулзалт хийж эхэлжээ. Эл уулзалтаа одоогийн байдлаар Эрдэнэт, Булган, Хөвсгөл аймгуудад хийгээд байгаа аж. Уулзалтад УИХ-ын гишүүн Л.Мөнхбаясгалан, Ө.Шижир, Д.Жаргалсайхан, С.Ганбаатар нар цуг оролцож байгаа юм. Түүнчлэн хоёрдугаар сарын 3-4-ний өдрүүдэд Архангай, Өвөрхангай, Баянхонгор аймагт хийх уулзалтад УИХ-ын гишүүн У.Цогтбаатар болон ХЗДХ-ийн сайд О.Алтангэрэл нар оролцох аж.
Уулзалтаар Монгол Улсын Үндсэн хуулийн зургаадугаар зүйлийн 6.1-т “Монгол Улсад газар, түүний хэвлий, ой, ус, амьтан, ургамал болон байгалийн бусад баялаг гагцхүү ард түмний мэдэл, төрийн хамгаалалтад байна.” Мөн 6.2-т “Монгол Улсын иргэдэд өмчлүүлснээс бусад газар, түүнчлэн газрын хэвлий, түүний баялаг, ой, усны нөөц, ан амьтан төрийн нийтийн өмч мөн.” гэж тус тус заасны дагуу стратегийн ач холбогдол бүхий ашигт малтмалын ордуудын 34-50 хувийг "Баялгийн сан"-д төвлөрүүлэх талаар ярилцаж байгаа гэжээ.
