НӨАТ-ын сугалааны ээлжит тохирлын нэвтрүүлэг нэгдүгээр сарын 19-ны өдөр буюу ням гарагт 19:10 цагаас "Боловсрол" телевизээр орон даяар шууд явагдана.

Энэ удаагийн тохиролд 2019 оны арван хоёрдугаар сарын 01-нээс 31-ны өдөр хүртэлх худалдан авалт хийсэн цахим төлбөрийн баримтууд хамаарах ажээ. Татвар төлөгч та баримтаа 2020 оны нэгдүгээр сарын 18-ны өдрийн 23 цаг 59 минутаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдан азтан болох боломжтой. 

Нэгдүгээр сарын тохирлын супер хонжвор 60 сая төгрөг байна.