Өнөөдрөөс ихэнх нутгаар хүйтний эрч чангарах тул зам, даваа, гүвээнд халтиргаа гулгаа үүсэж, үзэгдэх орчин хязгаарлагдаж болзошгүй гэж онцгой байдлын газар болон Авто тээврийн үндэсний төвөөс сэрэмжлүүллээ. Тодруулбал, өнөөдөр баруун аймгуудын нутгийн баруун хэсгээр, 24-нд баруун болон төвийн аймгуудын нутгаар, 25-нд говь болон зүүн аймгуудын нутгаар цас орж, цасан шуурга шуурах төлөвтэй байна. Иймд шаардлагагүй тохиолдолд хөдөө орон нутагт зорчихгүй байх зорчих тохиолдолд техникийн бэлэн байдлыг сайтар хангаж зорчихыг анхаарууллаа.