УИХ-аас байгуулсан утааны асуудлаарх нийтийн сонсголыг зохион байгуулах ажлын хэсгээс мэдээлэл хийлээ.
УИХ-ын гишүүн, ажлын хэсгийн ахлагч Ж.Чинбүрэн: Утааны асуудлаар ерөнхий сонсгол хийхтэй холбоотойгоор гурван дэд хэлэлцүүлгийг долоо хоног бүрийн лхагва гарагт цувралаар хийхээр товлож байна. Энэ долоо хоногийн сэдэв нь "Агаарын бохирдол ба Эрүүл мэнд" гэсэн сэдвээр явагдана. Дэд хэлэлцүүлгийн УИХ-ын гишүүн С.Эрдэнэболд даргалж явуулахаар тогтлоо.
Эхний дэд сэдвийн хүрээнд агаарын бохирдол эхийн урагт хэрхэн нөлөөлж буй талаарх асуудлыг судалгаа, шинжилгээ, нотолгоонд суурилсан байдлаар хэлэлцүүлгийг хийхээр төлөвлөж байна.
Ирэх долоо хоногийн лхагва гарагт буюу 01 дүгээр сарын 22-ны өдөр "зуух, түлшний хяналт, стандартын асуудал" сэдэвт хэлэлцүүлгийг УИХ-ын гишүүн З.Мэндсайхан даргалж явуулна.
Гурав дахь дэд хэлэлцүүлэг "Эрх зүйн орчин" санхүү, хариуцлага" сэдвээр явуулахаар болж УИХ-ын гишүүн Б.Баярбаатар даргалж явуулна.
